A Voz de Galicia

Co gallo da celebración do Día das Letras Galegas, o xornal La Voz de Galicia lanza, na edición dixital, a súa versión en galego. Non é que os redactores estean a facer un dobre esforzo para escribiren as novas en galego e castelán, nin que teñan un grupo de persoas adicadas á tradución pura e dura, senón que se trata dun sistema informático automatizado, deseñado e desenrolado, entre outros, polo Seminario de Lingüística Informática (SLI) da Universidade de Vigo. Polo tanto, as novas son editadas inicialmente en castelán, mais a súa publicación na edición galega do periódico dixital é inmediata. Como principal inconveniente, o que vos podedes imaxinar: a tradución é, ás veces, desatinada. Coma exemplo, botándolle unha ollada rápida á páxina principal, vin que o sistema traduciu París (o nome da cidade) por Parides: semella que o motor tradutor creu que se trataba da forma verbal do verbo parir.

Se queredes ver como funciona este sistema, podedes probar no tradutor que o SLI pon á nosa disposición.